..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

Tuesday, December 26, 2017

සිහින

සිහින
-------

සාමාන්‍ය යෙන් නිදන්න ඇහිපිලි පියවිච්චි වෙලාවෙ ඉදල ඇහැරෙන්න ඇහිපිය ඉස්සෙන වෙලාව දක්වා හීන දකින කෙනෙක් මම. හැබැයිඑහෙම දකින බොහොමයක් හීන , ඇහිපිය ඇරෙන වෙලාව වෙද්දිම අමතක වෙලා යනවා. ගොඩක් හින හරිම වර්ණවත් , ඒ වගේම හරිම විකාරරූපීයි.දකින හීන එකිනෙකට සම්බන්ධත් නැහැ , හැබැයි අසම්බන්ධිතත් නෑ කියලයි මට හිතෙන්නෙ. තවත් සමහර හීන වල ඊළඟ කොටසක් තවත් දවසක දකින්න පුළුවන් වෙනවා.ඒත් බෙන්සීන් හොයා ගත්ත කැකුලේ ට වගේ, හිතේ තියන සමහර ප්‍රශ්න වලට විසඳුම් මටත් හීනෙන්ම පෙනිල තියනවා.ඒ වගේම ඒ හීන මතක හිටිනවා. එහෙම එක හීනයක් ඊයෙ මම දැකල තිබ්බා.

හේතුව , ස්ථානය ,වෙලාව ගැන අදහසක් නැත්තේ හීනෙදි ඒ දේවල් දැක්ක ද නැද්ද කියල හරියට ම මතක නැති නිසා.ඒත් ඒක හරිම ලස්සනට කොළ පාටින් වර්ණවත් කරල තිබ්බ පරණ පන්නයේ ජීෆ් එකක් කියල නම් හොඳ හැටි මතකයි. මට මොකක් හරි ගමනක් යන්න තිබ්බ බවත් මට ඒ ගමන යන්න ක්‍රම දෙකක් තිබ්බ බවත් ඉන් එක් ක්‍රමයක් වුනේ පියන සහිත බාග බැරල් එකක් ඇතුලට වෙලා පෙරලි පෙරලි යන්න බවත් වාන්තමින් මතකයි. බැරල් බාගෙ ඇතුලට අමාරුවෙන් ඇතුළු වුනත් ඒ ක්‍රමයට ගමන සම්පූර්ණ කරන්න කලින් මම මිය යන බව මට දැනුනා. ඒ එක්කම වගේ අර මම කියපු ලස්සන කොල පාට ජිෆ් එක ඇවිත් මා ළඟ නතර කරේ ඒ ගමනම යන්න තවත් ක්‍රමයක් මට තියෙනව කියල පෙන්වන්න වගේ. ඒත් එක සැරේට මම යන්න හිටපු ගමන යන්න පුදුම සෙනඟක් එතනට එකතු වුනා. 

මම වාහනයට නඟින්න හදන හැම වාරයක් ගානෙම එතන හිටපු කෙනෙක් වාහනයට ගොඩ වුනා. එහෙම ඓහම අවසානය වෙද්දි සීයයකටත් වඩා වැඩි පිරිසක් අර පුංචි ජිෆ්පෙක ඇතුලෙ වාඩි වෙලා හිටියා. ඒත්..............අවසානම අසුනේ අයිනම කොණක පුංචිම පුංචි ඉඩක් ඉතිරි වෙලා තියනවා මම දැක්කා....... එතනට යන්න වාහනේට නඟින්න හදනකොටම , කොහේද ඉදල දුවන් ආපු පුංචි කොලු පැටියෙක් මාවත් පෙරලන් වාහනේට ගොඩ වෙලා අර ඉඩ තිබ්බ තැන වාඩි වුනා.................. 

මට කරන්න කිසිම දෙයක් ඉතිරි වෙලා නැති ඒ වෙලාවේ මම නිකමට වගේ වාහනේ රියදුරු අසුන දිහා බැලුවා......... එතන හිටියෙ මට බොහොම හිතට ළඟ මම ගොඩක් අඳුරන කෙනෙක්.ඒත් මා දිහා කෙලින් නොබලපු ඒ මූණෙ ඇස් ...තෙත් වෙලා තිබ්බ දැක්කා මට මතකයි........... මේ හීනය පුරාම එක වචනයක් වත් හුවමාරු වුනේ නෑ. එයාල ඒ වාහනේ ඒ ගමන ගියාද නැද්ද කියල නම් මට මතක නෑ. හැබැයි......ඒ ගමන යන්න හිටපු මම , තාමත් එතනම හිටගෙන ඉන්නව වගේ හැඟීමක් මගේ හිතට තාමත් දැනෙනවා......... 

“ සමහර හීන , අපිව ඇහැරවනවා “ කියල මට හිතෙනවා..............

දැකපු ලස්සනම හීනෙකින් ඇහුරුනු 
මම
සොඳුරු සිත

5 ප්‍රතිචාර:

අරු said...

හීන හරි ලස්සනයි. හීනෙන් මිදුනම ඒ තරම්ම දුකයි.

රන්වන් මකරා said...

බිදෙන් බිද ඉහිරී
ගලනවා බිම වැහිරී
හිත හදන් සොදුරී
නිදියන්න වද නොදී :)

- ජෑ මා හැපි නිව් යියර් -

Sanduni Navodya said...

Ai attatatama mehema heena penne.. oya me liyapu tika me widiyatama matat tiyanawa issara edanma...
#සාමාන්‍ය යෙන් නිදන්න ඇහිපිලි පියවිච්චි වෙලාවෙ ඉදල ඇහැරෙන්න ඇහිපිය ඉස්සෙන වෙලාව දක්වා හීන දකින කෙනෙක් මම. හැබැයිඑහෙම දකින බොහොමයක් හීන , ඇහිපිය ඇරෙන වෙලාව වෙද්දිම අමතක වෙලා යනවා. ගොඩක් හින හරිම වර්ණවත් , ඒ වගේම හරිම විකාරරූපීයි.දකින හීන එකිනෙකට සම්බන්ධත් නැහැ , හැබැයි අසම්බන්ධිතත් නෑ කියලයි මට හිතෙන්නෙ. තවත් සමහර හීන වල ඊළඟ කොටසක් තවත් දවසක දකින්න පුළුවන් වෙනවා.#
Man kematima heena dige gihin mage ammai tattai malli dakinna..eyalawa attata dakinna tawa godak kal yana nisa..

විචාරක Wicharaka said...

හීන දකින්න . ඒ වගේම හැබෑ කරගන්න උත්සාහ කරන්න
විචාරක දියණිය

ගස් ලබ්බ said...

අපි හීන වලට බයයි..
ජයවේවා..!!

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...