..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

මෙහි ලියැවෙන දෑ.............

"Art is something that lies in the slender margin between the real and the unreal."සාහිත්‍ය වනාහි සත්‍යයත් කල්පිතයත් අතර පිහිටි අනියත ප්‍රදේශයකට අයත් වේ.(Chikamatsu Monzaemon)

Sunday, July 31, 2016

කලාමැදිරි සිහින

කලාමැදිරි 


හැම විදුලි බල්බයක්ම නිවලා නිදියන්න කියල හාන්සි උනත් හදවතේ විදුලි පන්දම බොත්තමක් තද කරල නිවන්න පුළුවන් එකක් නෙමේ.

පියා ගත්ත ඇස් දෙක අරිද්දි , බලාපොරොත්තු උනේ කට්ට කළුවර උනත් , මෙන්න බොලේ ලයිට් පත්තු කරන් රෑ වැඩ මුරේට  සෙට් වෙච්චි කලාමැදිරියෝ සෙට් එකක් පිටින් මගේ කාමරේට ඇවිත් ,

ඉස්සර නම් , වැඩිවිය පැමිණෙන වයසට ළං වුනු ගෑණූ දැරිවියො ඉන්න ගෙදරක කලා මැදිරියො සැරි සැරුවොත් ඒ ගෙදර වැඩිහිටි ගැහැණු අය ඒ ගෑණු දැරිවි ගැණ විමසිලිමත් වෙනවා. ඒ ඇයි ද කියලා මම අන්තිමට කියන්න ඉතිරි කර ගන්නවා.

කලාමැදිරියෝ කියන්නේ සුරංගනා කතා වල ඉදල අපේ ලෝකෙට ආපු , ආවට පස්සෙ ආපහු යන්න බැරි වුනු අපූරු සත්ව කොඨ්ටාශයක් කියලයි මට පුංචි කාලේ ඉදලම හිතුනේ.

එහෙම හිතන්න මට මගේම හේතු තිබ්බා.



කලාමැදිරියෝ කෑවොත් හෙම ඒ තුවාල සනීප කරන්න අහසෙ තරුයි , මුහුදෙ මඩයි ඕනි වෙනවා කියල මම කොහෙදි හරි කියවල් තිබුනා.

ඒ විතරක් නෙමේ , අමුතු හැඩයක් ගන්න ගෙයක් හදන , ඒ ගෙයි කාමර හිටන් වෙන් කරන වඩු කුරුල්ලා , රෑට ඒ ලස්සන කුරුළූ ගෙදරට එළිය ගන්න කලාමැදිරියෝ අල්ලන් ඇවිත් හිර කරල තියා ගන්නව කියලත් මම අහල තිබුනා.

කාටවත් හිංසාවක් නැති ,පස්සෙ පැත්තෙ ලයිට් එකක් හයි කරගෙන රෑට අරහෙ මෙහෙ යන මේ පුංචි කෘමි සතාට බය වෙන අයත් ඉන්නවා කියලා දැන ගත්තේ “ ගිනි පෙලෙල්ලෙන් බැට කෑ මිනිහා කලාමැදිරි එළියටත් බයයි “ කියල ඇහුවට පස්සේ.



රෑට ලයිට් දාගෙන යන මේ වගේ අයගේ ලයිට් එළියට විද්‍යාෙවන් කියන්නේ “ජෛව සංදිප්තිය“ කියලා. එහෙම ලයිට් දාන එකම සතා කලාමැදිරියා නොවුනත් ඒ වගේ සතුන් අතරින් අපට ඉතාම හෘදයාංගම සතා “කලාමැදිරියා“ මිසක වෙන කවුද.



ඉස්සර කාලේ නම් ගැහැණු ළමයෙක් වැඩිවිය පැමිණුනාම ඒ ගෙදර “කිලි ගෙදරක් “ . ඒ කියන්නේ අපිරිසිදු ගෙදරක්. එහෙම වෙන්න ළං උනාමලු මේ කලාමැදිරියන් ඒ වගේ තැනකට එන්නේ. ඒ කතාවෙ ඇත්ත නැත්ත මොනා වුනත් ලටේ පුයික්ලා , ලයිට් පත්තු කරන් තැන තැන යන්නේ කලාමැදිරි කෙල්ලන්ව ආකර්ශනය කර ගන්න කියලයි විද්‍යාඥයො නම් හොයන් තියෙන්නේ.

ප/ලි :- ගැහැණු ළමයෙක් වැඩි විය පැමිණෙන්න ආසන්න උනාම ස්‍රාවය කරන යම් දෙයකට (පෙරමෝන) වලට ආකර්ශනය වෙන කලාමැදිරියන් ඉන්නවා කියල තමා උපකල්පනය කරන්න වෙන්නේ.



“A dark night, lightened up by thousands of glowing 

fireflies... It's magical...” 



Sunday, July 10, 2016

Shadow Friends - සෙවනැලි මිතුරන්

Shadow Friends
-------------------- 
සෙවනැලි යාළුවා
======================


ෂැඩෝව් ඇමති මණ්ඩලය මේ කාලේ බහුලව කතා බහට ලක් වුවත් ,මීට කලින් මම ඔය ෂැඩෝව් තියරිය ගැන දැනන් හිටියා.

ඒ මෙහෙමයි ,

රජයේ කාර්යාල වලින් වැඩක් කර ගන්න ගිය අය දන්නව ඇති අදාළ විෂයය සම්බන්ධ  රා.කළ.සහකාර , ඉස්සර නම් ලිපිකරු හෝ ලිපිකාරිණිය නැත්තම් ආයතනේ ලොක්කටවත් බෑ ඒ ලිපි ගොනුව සම්බන්ධව මැදිහත් වෙලා අදාළ රාජකාරිය කරල දෙන්න.

කොටින්ම  ඔයා ගේන ලියුමට අදාළ ලිපිගොනුව භාරව ක්‍රියා කරන විෂය ලිපිකරු නැතිනම් වෙන කාටවත්ම ඔයාගේ ලිපිය අදාළ නෑ....

මෙන්න මේ විදිහට රාජකාරි පමා වෙනවට සහ මහජනයා රස්තියාදු වෙනේක නතර කරන්න , කාර්යාල වලට තමා ඔය ෂැඩෝව් එක මම දන්න තරමින් ඉස්සරෝම වැටුනේ.....

එතනදි වෙන්නේ එකම විෂයට එම විෂය භාර ලිපිකරුට අමතරව “ෂැඩෝව් ලිපිකරුවෙක් / සෙවනැලි නිළධාරියෙක් “ පත් කරනවා. එතකොට අදාළ නිළධාරියා නැති වුනත් ෂැඩෝව් ඔෆිසර් ගෙ වගකීම තමා ඒ රාජකාරිය සොයා බලා අදාළ කටයුතු කරනෙක.

දැන් ඔයාල හිතාවි දෙන්නම එක දවසෙ නැති වුනොත් මොකද වෙන්නේ කියලා.

දෙන්නටම එකම දවසක නිවාඩු අනුමත නොකරන්න ආයතන ප්‍රධානියා කටයුතු කරන්න ඕනි. ඔන්න ඒ දෙන්නම නැති නම් ඔයාට පුළුවන් ආයතන ප්‍රධානියාගෙන් ගිහින් කෙළින්ම මේ සම්බන්ධව විමසන්න.

දැන් මම කාර්යාල සේවයෙන් අයින් වෙලා ගුරු වෘත්තියට පිවිසිලා ටිකක් කල් වුනත් මට මගේ සෙවනැලි නිළධාරියා විදිහට හිටපු සහෝදරී මට සලකපු විදිහ මට හොඳට මතකයි.........



මේ සෙවනැලි ගැන ආයෙ මට මතක් වුනේ පාර්ලිමෙන්තු සෙවනැලි ඇමති මණ්ඩලයක් පත් කරන කතාව කණින් කොණින් ඇහෙන්න ගත්තට පස්සේ. ඉතින් මං හිතුවා මගේ පාසලේ මම උගන්වන පන්තියටත් මේ “සෙවනැලි ක්‍රෙම් - සෙවනැල්ල “ අරන් යන්න. 

පන්තියක උනත් පුංචි කල්ලි තියනවා කියලා ඉස්කෝලෙ ගිය කවුරුත් දන්න දෙයක්.මම උගන්වන පන්ති තුනේමත් එ් වගේ පුංචි පුංචි කල්ලි තියනවා.මේ කල්ලි වලදි ගොඩක් වෙලාවට වෙන්නේ වැඩ බැරි ළමයි එක කල්ලයකටත් , වැඩ පුළුවන් දක්ෂ ළමයි වෙනමත් කල්ලි වෙනේක. 

මීට වඩා අපගමනය වෙච්චි කල්ලි නැතිවම නෙමෙයි .හරියට 12 බයෝ ක්ලාස් එකේ හිටි මං වැඩිපුර හිටියේ 12 - කලා පන්තියෙ වගේ වුනාට එවැනි කල්ලි ගැසීම් ඉතාම දුර්ලභයි....


ඉතින් මං කල්පනා කළා මේ කල්ලිවාදය වෙනස් කරන්න...විද්‍යා විෂය ට මම පටන් ගත්තා “ෂැඩෝව් ෆ්‍රෙන්ඩ්ස් “ ක්‍රමය.පාර්ලිමේන්තුවත් ෂැඩෝ වෙච්චි එකේ ඉස්කෝලෙ පන්තියකට ඒක ආහම මක් වෙනවැයි.හැබැයි ක්‍රෙම් ටිකක් වෙනස්..............

ක්‍රෙම් මෙහෙමයි.................

පන්තියෙ විද්‍යා විෂයට වැඩිම ලකුණු තියන ළමයා , පන්තියෙ අඩුම ලකුණු තියන ළමයගේ “සෙවනැගි යාළුවා “ වෙනවා. එතකොට ලකුණු අඩු යාළුවා ගැන වගකීම ගන්න වෙන්නේ අර වැඩි ලකුණු තියන සෙවැනැලි යාළුවට. එයා දැන ගන්න ඕනි තමන්ගේ යාළුවගේ විෂය දැනුමෙ අඩු ලුහුඩුකම් හොයලා බලල එයාට උදව් කරන්න. කොටින්ම තමන්ගේ සෙවනැල්ල වගේ බලාගන්න.

මේකෙ දී මම තමා යාළුවන් දෙන්නව හඳුන්වලා දෙන්නේ. මේ වාරේ දී මේ ක්‍රමයේ සාර්ථකත්වය මනින්න දැන් නම් කල් මදි. හැබැයි තුන්වන වාරයේ දී තමන්ගේ සෙවනැලි මිතුරාගේ දියුණුව අනුව හොඳම සෙවනැලි යාළුවට තෑග්ගක් මයෙ ගානේ..........

අදාළ නැති වුනත් මේ සටහනත් සෙවනැල්ලක් ගැන - ගෙදර ආපු වෙලේ ඉදන් , මගේ හෙවනැල්ල වගේ ඉන්න මගේ සුරතල් බල්ලාගේ නමත් “ෂැඩෝව් “


Show more reactio

Monday, July 4, 2016

නුඹ අතහැර

නුඹ අතහැර

‍ෙ


මගේ හිත , හරියට දළඹුවෙක් වගේ , හිර වෙලා තිබ්බෙ ඔයා මත්තෙමයි. 

කොහෙන් ආවද කියල මතක නැතත්. බිත්තරයක් වෙලා ඉද්දි මාව බලාගෙන තිබ්බෙත් ඔයාම තමයි.

බිත්තරේ කාලෙදි ඔයා දුන්නු උණුසුමට මම දළඹුවෙක් වුනත් , දුන්න උණුසුම අමතක කරල සමණළයෙක් වෙලා යන්න මට හිත දුන්නෙ නැහැ.

පිළා කෝශෙ හදන්න මම කොච්චර උත්සාහ ගත්ත ද ?

ඔයා එක්ක තදින් අමනාප වෙන හැමවෙලේම........... මම පිළා කෝශෙ හදන්න පටන් ගන්නවා. ඔයා මුකුත්ම නොකියා පැත්තකට වෙලා බලා ඉන්නවා.... එහෙම හදපු  පිළා කෝශ නම් කීයක් ඔයා ළඟ ඇද්ද.


ඒත් මට තව දුරටත් මේ දළඹු ජීවිතේ ගත කරන්න බෑ.  දළඹුවෙක් වෙලා ම මැරිල යන්න මට බෑ...... 


පිළාකෝශයක් හදන්න ගත්තොත් ඒක හදල ඉවරෙද්දි මට ආයෙත් ඔයාව දාලා යන්න බැරි වේවි..............

ඒ නිසා , කෝශ ගත නොවීම මේ දළඹු ජීවිතය අද මම අවසන් කරනවා. 

හරියම අද ඔයාට නින්ද ගියාම.... 

මෙච්චර කල් නින්ද ගිහින් තිබිච්චි මගේ හිත මම අවදි කරන් , මේ දළඹු ජීවිතෙන් මිදිලා ඔයාගෙන් 

ඈතට................................


ඈතට................. 

ඈතට...................

ඈතට ...........................

ඈතටම..............................................................



මම පියාඹලා යනවා...............................





තටු ලැබූ 
මම
෴ වත්සලා෴

ඔබේ රතු රෝස මල

ඔබේ රතු රෝස මල






සාලෙ මැද්දෙ තියන 


මිල වැඩි පොච්චියට


ඔයා හොයන්නේ - රතු රෝස මලක්


වැට අද්දර තියන


වැටට හයියක් වෙච්චි


බුදු පුදට ගන්න මම - වතු සුද්ද මලක්


- වත්සලා -

Blogroll

Related Posts Plugin for WordPress, Blogger...