..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

Sunday, April 20, 2014

මා මත්තෙම ඉන්න මගේම කෙනෙක්...................




ඔයා හිතන්න ඔයාට පුලුවන් ද කිසිකෙනෙක් ගේ අවධානයක් ,ඇල්මක් බැල්මක් නැතිව ජීවත් වෙන්න. ඔවු දැන් ඔයාට හිතේවි “කිසිකෙනෙක් ගේ ඇල්ම බැල්ම නැතිනම් කොච්චර ෂෝක් ද, මේ කි මේ පිස්සු කියනව “ කියලා. එහෙනම්  අනිවාර්යෙන්ම ඔබ කසාඳ බැඳපු කෙනෙක් වෙන්නැති.

ඒත් කසාඳ බැඳපු කෙනෙක්ට උනත් යම් අස්ථාවක දි තේරෙනව ඒ බැදීම් නැතිව ඉන්නෙක ජොලියක් නෙමෙයි හිස්කමක් කියලා.


ඒකනේ “ කලේ පැන් ඇත නැවුම් රහ නැත, මොකද මන්දා ළිඳට වූයේ “ කියල සින්දුවකුත් ලියවුනේ. 




පවුල් ජීවිතේ කරදර වැඩි වෙලා බන්ධන වැඩි වෙලා වගකීම් වලින් විතරක්ම බැදුනම ඇල්ම බැල්ම ලබන්න කියලා හිතලා බොහෝමයක් අය පිටස්තර සම්බන්ධකම් වලට යොමු වෙන එක දැන් දැන් බහුලව දකින්න ලැබෙනවා.  ඒවා ආශ්වාදජනකයි නමුත් ඒ වගේම ත්‍රාසජනකයි. ඒ අතර සැබෑ ඇල්ම බැල්ම ලැබෙන බැදීම් නැත්තෙමත් නැහැ.


මේ දොකොටසමට නැති ඇතැම් අය ඉන්නවා, එයාල තමන්ට අවශ්‍ය ඇල්ම බැල්ම ආසක්තබව ලබා ගන්නෙ මිනිසුන්ගෙන් නෙමෙයි. සතුන්ගෙන්. ඔන්න තිං දැන් වැරදියට හිතන්නෙපා. ඔයාල දන්නව ඇති වැන්දඹු හෝ තනිකඩ හෝ තනිවුනු මිනිස්සු සුරතල් සතුන් දුසිම් ගණන් ඇති කරනවා. බල්ලෝ ,බළල් ලු. ඔවුන්ට සැලකීමත් ඔවුන් හා කාලය ගත කිරීමත් ඔවුන්ගේ අවධානය ලබා ගැනීමත් ඒ අයගේ හිතට සතුට ගේනවා.


මට මතකයි වරක් විශ්‍රාම වැටුප් නිළධාරියෙකුට ආපු පෙත්සමක තිබ්බා , එක් පුද්ගලයෙක් තමන්ගේ මනුස්සය ආරක්ෂක අංශයේ සේවයේ දී මිය ගියපු නිසා ඇයට ලැබෙන විශ්‍රාම වැටුපත් , ඇගේ ස්වාමියාගේ වැටුපත් , විශ්‍රාම වැටුපත් යන සියල්ල ලොකු දඩෝරි බල්ලන් හතර දෙනෙක්ට වියදම් කරනවා ඒක තහනම් කරන්න කියලා ආපු පෙත්සම. ගිහින් බැලුවම කතාව ඇත්ත වුනත් , එහෙමෙයි කියලා ඒ විශ්‍රාම වැටුප් තහනම් කරන්න බෑ. අදාළ නිළධාරියා නම් කීවේ “ අපරාදේ සල්ලි “ කියලා.ඒත් ඒ මුදලින් ඇය ලබන්නේ සතුටක් නෙමෙයි ද. 




ඒ වගේම මම මේ ලගදි දැක්කා “හර් " "HER" කියල චිත්‍රපටයක පූර්ව ප්‍රචාරක දැන්වීමක්. ඒකෙ හැටියට ඒ පුද්ගලයා දැඩිව යම් තාක්ෂණික මෙවලමක් හා බැදෙනවා. අදහස් හුවමාරු කර ගන්නවා. මානසිකව සතුටක් ලබනවා. සතුටින් ජීවත් වෙනවා. 


ඔයාලට මතකද අර මිස්ටර් බීන් ගේ රෙදි බෝණීක්කා. ඒකාට දෙන දස වද.ඒත් ඒ බිස්ටර් බීන්ගේ තනිකම නැති කරපු වස්තුව.එයාගේ ආදරය.එයාගේ සතුට.



වර්තමානයේ දී තරුණ පරපුරත් භෞතික වස්තූන් එක්ක අදරෙන් බැදිල ද කියල මට හිතෙනවා. සමහර විට සජීවී වස්තුවක් එක්ක බැදෙන බැදීමට වඩා නිදහස් හා කරදර වලින් තොර නිසා වෙන්නැති.


කූඩුවක දාලා තමන් ආදරය කරන යමක් පරිස්සමින් අරන් යනවා වගේ තමන්ගේ ජංගම දුරකතනය දිහා ,ටැබ් එක දිහා , කිසිම හේතුවක් නැතිව බලන අය මම දැකල තියෙනවා. ඒක බොහෝ වේලාව නද දුන්නෙ නැති නම් , මැසේජ් එකක් වත් ආවේ නැති නම් හිත මහ මූසල පාලුවකින් වෙලිලා මූණු ඇදවෙලා යනවා මම දැකල තියෙනවා. අමතන්නෙ හරි මැසේජ් කරන්නෙ හරි සජීවි කෙනෙක් වෙන්න පුලුවන්.ඒත් ඔහු බැදිල ඉන්නෙ අජීවි වස්තුවක් එක්ක.

අද භාවිතා වෙන ෆේස් බුක් වගේ සමාජ ජාලත් මිනිසාගේ තනිකම නැති කරන්න සෑහෙන දායක වෙනව කියල හිතුනත් ඒ දායකවීම භයානක වෙන්නේ සජීවී මිනිස් හිත් වල තියෙන කුහක තිරිසන් කම් පාලනට කරන්න තාක්ෂණයට බැරි නිසාමයි.

මම දන්න සමහර යුවලවල් ඉන්නවා.එක ගෙදර එක ඇඳේ එක වහල යට ජීවත් වෙද්දි නොතිබුනු තරම් උණුසුම් ආදර සම්බන්ධකම් දුරස් වෙලා ගියාට පස්සෙ ඇතිවුන. ඒකට තාක්ෂණය හේතු වෙලා තියෙනවා. ලඟින් නොයිද දුරස් වුනාම සෙවිලි බැලිලි වැඩි කරන්න ඒවාට හැකි වෙලා තියෙනවා. “කෑව ද? “ බීවද?“ “ ඔයා නිදිද?“ “දැන් සනීපද? “ කියල අහල යවන මැසේජ් නිකම් පුස් බොළඳ  දෙයක් කියල අයින් කරන්න බෑ.

ගෙදර ඉද්දි මූණ නොබල කතා  කරන අය. “ කෑමෙක මෙසෙ උජ අරන් යන්න “ “ මම යනවා “ “හරි යනව නම් දොර වහගෙන යන්න “ කියන අය, දුරස් වුනාම කාලා බීලා වෙලාවට රෙඩි වෙලා ඉන්නේ ස්කයිප් එකෙන් මූණ බලල කතා කරන්න.හිනා වෙන්න. 


සෙවිලි බැලලි හිතට වදයක් වුනාට , සෙවිලි බැලලි නැති වෙලාවට දැනෙන මහ මූසලකමට ඔබට මුහුණ දෙන්නට වෙන්නෙපා කියල මම පතනවා. 


සරලම සිදුවීමක් විදිහට ගත්තොත් , මහන්සිලො වැඩ කරල ගෙදර එද්දි , ගේ දොරකඩ ලගට වෙලා හරි මිදුලට ගේට්ටුව ලගට වෙලා හරි බලා ඉන්න “ මම බැලුවා මොකද පරක්කු කියලා “ කියන වචනයක තියෙන ආදරය දැනෙන්නට නම් එහෙම බලා ඉන්න කෙනා ඔයාට නැති වෙන්න ඕනි.


සමහර විට එහෙම බලා ඉන්නේ, හොදටම ඔබ කිසි කරදරයක් නැතිව ගෙදර එන බව දැන දැන. හරියට “කෑවද “ කියල මැසේජ් කරන්නේ ,නොකෑවනම් කෑම අරන් දෙන්න තරම් ලගක ඉදල නෙමෙයි වගේ...............


බැදීම් නැතිව ජීවත් වෙන්න මේ ලෝකේ කිසි කෙනෙක්ට බෑ. එහෙමනම් එයා නිවන් දැකපු කෙනෙක් වෙන්නැති.



නිවන් දකින්නට පිං මදි 

මම

෴ සොඳුරු෴


Pls Lsn 







I'm lying on the moon
My dear, I'll be there soon
It's a quiet and starry place
Time's we're swallowed up
In space we're here a million miles away

6 ප්‍රතිචාර:

Anonymous said...

බ්ලොග් එකේ අකුරුවල දෝෂයක් තියෙනවා එක ගොඩේ ඒක හදන්න.

Sumith Niriella said...

ඔව්...! කතාව ඇත්ත.

රාජ් said...

ඇත්ත කතාව. නමුත් ලෝකය පටන් ගත්ත තැන ඉඳල පරිණාමය වෙමින් එන ගමනක් මේක. අපිට කැපිල පේන්නෙ "අද" සහ "ඊයෙ" වෙනස විතරයි. ඊයෙ සහ ඊට කලිනුත් වෙනස්.

Kantha Viduranga said...

ගල් නැත
පොල් නැත
රම් ඇත
මූද වටේටම-ඒත් පාලූ නැත

රම් වලට ජයවේවා

නොතිර සසර said...

තනිකම, අවදානය වගේ දේවල් ගොඩක් එන්නෙ ආදරයත් එක්කනේ.. ආදරය නැති උනොත් මිනිස්සු මැරෙනවද?? තනිකම තියන ආදරය නැති වෙලාවක් තුල නේද මිනිස්සු වෙනස් වෙන්නෙ.. ඒ වෙනස ගොඩක් වෙලාවට යහපත් වෙනසක් නේද??

Anonymous said...

her niyama film ekak .hamoma balanna

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...