ඔහු ගිය තැන් , යන එන තැන්
එකින් එකට පවසනවා
ජීවිතයේ රසමුසු තැන්
සිනා මුවින් මතු වෙනවා
" ආහ් ...!!! එහෙම ද? "
" ඉතින් "
" ඉතින් "
ඇගේ මුවින් පිට වෙනවා
සිනා සපිරි වත සතපා
උකුලේ ඔහු සැනසෙනවා
සිත රිදුනම කියා ගන්න
කෙනෙක් නැතිව ලත වෙනවා
" ඔයාට පිස්සු ද මන් දා "
ගෙදර උන්දෑ පවසනවා
ගෙදර උන්දෑ පවසනවා
සිත අහන්න
සිත කියන්න
ඇය ළඟටම දිව එනවා
බිරිඳකගේ සෙනෙහස නොව
සිත සැනසුම අයදිනවා
සිනා මෙන්ම නෙතු කඳුළද
ඇගෙ උකුලේ සඟවනවා
සිහින් ඇඟිලි තුඩු අස්සෙන්
ලෙංගතු පෙම පූදිනවා
ලෙංගතු පෙම පූදිනවා
වටහ ගන්න බැරි දේ ලොව
බොහෝමයක් පවතිනවා
මිනිසුන් සිත සබදකමට
නමක් කුමට අයදිනවා
හොද බිරිඳක් කියන්නේ හොඳ සවන්දෙන්නියක්..................
මම
෴ වත් ෴
15 ප්රතිචාර:
ඇත්ත.ලස්සනයි.
එහෙම උනොත් තමයි විවාහ ජීවිතේ සාර්ථකව ගත කරන්න පුලුවන් වෙන්නෙ.
සැටිෆිකේට් ට්රූ
බිරිඳ ගැන නම් කමෙන්ට්ස් දෙන්න බෑ.. ඒ වුනාට දැනට තියෙන අත්දැකීම් වල හැටියට ඔහොම වෙයි කියල මම හිතනවා.. කවි ටික නම් එළ !!
/ හොඳ බිරිඳක් කියන්නෙ හොඳ සවන් දෙන්නියක් .../
අනේ මන්ද වත්තො...උඹ කියනවනං පිළිගන්නං...ඒත් මයෙ කම්පනාව නං හොඳ සැමියෙක් කියන්නෙ හොඳ සවන් දෙන්නෙක් කියලයි...අඩුම ගානෙ හොඳ සවන්දෙන්නෙක් කියල ඇඟෙන විදිහට රඟ පාන්න වත් ඕනමයි....දැන් වසර සොළොසක් තිස්සෙ මම කරන්නෙ ඒක තමයි....සවන් දෙන එක....හෙහ්, හෙහ්,
බැදීමක් ගැන කතාවක් වගෙයි..
මේ කතාවට නම් සම්පූර්ණ ළකුනු..
තනි අතින් අප්පුඩි ගහන්න බෑනෙ..ඒක නිසා බිරිඳ වගේම සැමියත් සවන් දෙන්න පුරුදු වෙන්න ඕන..ප්රශ්නෙ තියෙන්නෙ තමන් කොයි වෙලාවටද කට අරින්න ඕන කියන එක නිතරම පැටලෙන එක...
අනිවාර්යෙන්ම හොද සවන්දෙන්නියක් විය යුතුයි.........
විවාහයක් සාර්ථක වෙන්න නම් දෙන්නම හොද සවන් දෙන්නෝ වෙන්න ඕන කියලා මම අහලා තියෙනවා..
ඇත්ත නේන්නං, මාත් හිතං හිටියේ ඔබී අහගෙන ඉන්නව කියල, බලාන යනකොට කොරන්නෙ මාත් අහගෙන ඉන්නව වගේ පෙන්නන එකනෙ :-))
හොඳ බිරිඳක් කියන්නේ හොඳ සවන්දෙනියක්. සහතික ඇත්ත. එදෙ මම මගේ අම්මා ගෙන් අත්දැකලා තියෙනවා
දෙයියම්ප ඇත්ත...
බලං හිටිය වාගේ ලියල තියෙන හැටි..!!!
කතාව නම් ඇත්ත, ඒත් ඉතිං අහන් ඉන්න එපායැ.අහන් ඉන්නෙ නැති එකයි ප්රශ්නේ.
"සිහින් ඇඟිළි තුඩු අස්සෙන්
ළෙංගතු පෙම පූදිනවා"
මේ කොටසේ අමුතු හැඟීමක් තියෙනවා. කාව්යාත්මක යෙදුමක්
ඒත් එහෙම වෙන්නෙ කොහොම ද? මං අහන්නෙ ඇගිලි තුඩු අස්සෙන් ?
හරිම ලස්සනයි අක්කේ.. ඇත්ත හොඳ බිරිඳක් වගේම හොඳ පෙම්වතියක් වෙන්නත් හොඳ සවන්දෙන්නියක් වෙන්න වෙනවා නේද?
// "ඔයාට පිස්සුද මන්දා" //
මෙහෙම නම් කියනව තමා... :(
Post a Comment
සිතක් සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.