..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

මෙහි ලියැවෙන දෑ.............

"Art is something that lies in the slender margin between the real and the unreal."සාහිත්‍ය වනාහි සත්‍යයත් කල්පිතයත් අතර පිහිටි අනියත ප්‍රදේශයකට අයත් වේ.(Chikamatsu Monzaemon)

Wednesday, December 28, 2011

෴ හදවත බද්දට / Heart for Rent ෴

බොහොම අපහසුවෙන් නමුත්
කාලයේ දියකර ගත් තීන්ත ගා
තිබුනාටත් වඩා හොඳින් අලුත් වැඩියා කරන ලද
අව්වට වැස්සට ඔරොත්තු දෙන
ඇඳ පළුදු නොමැති
සියුම් කැටයම් ඉවත් කරන ලද
සාදා අවසන් කළ වහාම පදිංචියට සුදානම්.
හදවත ක් බද්දට දීමට ඇත.....
 කී මනි අනවශ්‍යයි.
කළින් පදිංචිකරුවා නොදන්වාම නික්මී ගිය බැවින්
නොකියා නික්මී නොයන බවට
පොරොන්දු පත්‍රයක් පමණක්
අවශ්‍යයි. ....

වැඩි විස්තර සඳහා
අමතන්න
ඔබේ හදවතට


Live in My Heart and Pay No Rent




බ්‍රෝකර් ගාස්තු අය නොකරන
මම
෴ සොඳුරු සිත ෴

26 comments:

  1. හදවතක් බද්දට දෙන්න එපා අක්කන්ඩි . සින්නක්කරේටම දීලා දාන්න . ඕනෙම හදවතකට ලෝකේ කොහේ හරි ගැනුම් කරුවෙක් ඉන්නවාමයි

    ReplyDelete
  2. කියල යන්න පුලුවන්ද.... :D

    ReplyDelete
  3. වත් අක්කා... ගාල්ලෙ බ්ලොග් ලියන අය ආයෙත් 7 වෙනිද එකතු වෙනවා... රූමස්සල සාම චෛතියට යන්නයි කල්පනාව... එනව නේද,,,,

    ReplyDelete
  4. බෑනේ අක්කා.. මම දැන් ඉන්න තැන කොන්ට්‍රෑක්ට් අස්සන් කොරලානේ.. බලමු හොයලා දෙන්න.. සාමාන්‍ය සම්ප්‍රදාය 10% කොමිස් එක..

    ReplyDelete
  5. මං කැමතියි..ඔයා කැමතිනම්..

    ReplyDelete
  6. අළුත් අවුරුද්දට අළුත් කුලීකාරයෙක් හොයනවද....?

    ReplyDelete
  7. මාත් කුලියට හිටියේ මෙච්චර කාලයක් බැරිද හැමදාටම.

    ReplyDelete
  8. සින්නක්කරම දෙන්න නොයන බවට හදවතින්ම පොරොන්දු පත්‍රයක් ලැබෙනවානම්...

    ReplyDelete
  9. ඔක හොඳට රිබොරින් කොරල ද තියෙන්නේ...

    ReplyDelete
  10. ඇයි අක්කා කුලියට හොයන්නේ.සින්නක්කර දෙන්න.හැබැයි ඉතිං මොන පොරොන්දු පත්‍ර දුන්නත් සමහරුන්ටනම් ගානක් නෑ.

    ReplyDelete
  11. මේ කව දැක මට මා තරුණ කාලයේ ලියූ කවි අතරින් මුලින්ම පුවත්පතක පලවූ කවිය සිහිවිය.

    එහි මාතෘකාව වූයේ "හදවතක් වෙන්දේසියේ" යන්නයි.
    මුල් පද කිහිපය මෙලෙස විය.

    හදවතක් වෙන්දේසියේ

    ඈවරයි, දෑවරයි
    තබනු මැන ලන්සුවක්
    හදවතක් ඇතිය මෙහි
    වෙන්දේසි කිරීමට

    නතරවන්නට කලින්
    හද ගැස්ම හදිසියේ
    තෙතමනය ආදරය
    පිරි ඉතිරී තිබුණි.
    ...
    ... ....

    Thanks SoSee.

    ReplyDelete
  12. ලස්සනයි... ඒත් ඇයි බද්දට?

    ReplyDelete
  13. ලස්සනයි...ඒ ප්‍රශ්නේ ඇයි බද්දට?? සින්නක්කර නොදී...

    ReplyDelete
  14. හැමෝම මොකෝ මේ සින්නක්කරම හොයන්නෙ?

    ReplyDelete
  15. / සියුම් කැටයම් ඉවත් කරන ලද /

    ම්හු......මට එපා, එහෙම එකක්,.... No Thanks......

    ReplyDelete
  16. lassanai akkio.meeta vada monava kiyannada kiyala mata therenne nehe..sodurusithata godaaa..k aadarei.

    ReplyDelete
  17. ඇයි අක්කේ හදවත සින්නකරව නොදි බද්දට දෙන්න හොයන්නේ.. බද්දට දුන්නම තවත් හිතකට වෙන්නේත් ඔය ටිකම නේද??

    ReplyDelete
  18. ලබන්නාවූ 2012 නව වසර ඔබ ඇතුළු පවුලේ සැමගේ සුභ සිහින ඉ‍ටුවන සුභම සුභ නව වසරක් වේවා - [නවම්-චූටිමැණිකේ-ලීනු]

    ReplyDelete
  19. Harima duppath hadawathak

    ReplyDelete
  20. හදවතට
    සුදුසු සහකරුවෙක්
    සුපුරුදු සුවඳ සමගින්
    ගොඩවදීවායි පතමි මම්

    ReplyDelete
  21. මං මේක දාපු දවසෙ ඉඳන් හත් අට වතාවක් ඇවිල්ල කියෙව්වා.තාමත් කියවනවා. හිතනවා.

    හරිම අපූරු කවිය, වෙලාවකට මහගම සේකර ආකෘතිය. තව වෙලාවක පරාක්‍රම කොඩිතුවක්කගේ කවියේ ආභාෂය, තවත් වෙලාවකට ජී.බී. සේනානායකගේ නිසඳැස් කවි ආර,

    අපේ ප්‍රවීන කිවි කිවිඳියන්ගේ තරමටම ඉහළම නිර්මාණයක්. කවියේ අලංකාර,උපමා සහ රූපක භාවිතයත් ආකෘතියට මනාව ගැලපෙනවා.
    අනෙක ව්‍යංගාර්ථය ඉතාමත් හොඳට කවියට ගලපනවා.

    "හදවතක් බද්දට" කීවාට වඩා "සින්නක්කරයේ" වගේ වචනයක් ගැලපුවා නම් තවත් හොඳයි.

    ReplyDelete
  22. හදවතක් බද්දට ගන්න තියෙනවනම් හොඳයි,
    හරි සිම්පල් පැලෑනක් නේ.......

    ReplyDelete
  23. සුභ නව වසරක් වේවා...!!!

    ReplyDelete
  24. lassana aluth kavi liyevena,hema yahapath pethumakma itu vana,mangala seenu hedavena subama suba nawa wasarak veva ape wath akkiyata..

    ReplyDelete
  25. යන එන අයට හදවත බද්දට දෙන්න එපා අක්කේ....

    ඔයාට සුභ නව වසරක් වේවා....!!!

    ReplyDelete

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...