..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

Thursday, December 22, 2011

෴ නොපැතූ පැතුමක , පැතුම ෴

ජීවිතේ කියන්නේ , නොපැතූ බොහෝමයක් දේ අතර , පැතූ එකම දෙයක් හමුවෙන එක වෙන්න පුළුවන්. කිසිදවසක නොපැතූ පැතුමක් වෙලා නුඹ එද්දි , පැතූ පැතුමක් එපා කියලා, නොපැතූ පැතුම වෙච්චි නුඹව පතන්න දැන් හොඳටෝම කල් මදි. . . . .

දුක හංගන් හිනා වෙන්න කියා දුන්න නුඹ
හිත අස්සේ දුක එළියට අරන් ඇයිද අද
වෙනකෙකුගේ මනාලියක් වෙලා යන්න හෙට
නුඹේ කඳුළු පාඩඩ බැහැ පාගන්නට මට

අහම්බයෙන් මුණ ගැහුනත් මල් සුවඳක් ලෙස
ජීවීතේම සුවඳ කරන් පිපුනා හදවත
හෙටත් ඉන්න  මයෙ දිවියේ සුවඳක් විලසට
එපා යන්න මේ විලසට පරවී මගෙ ළඟ

නුඹේ අතේ දැවටී මුළු ලොවක් දැක්ක මට
වෙනකෙකුගේ ලොවක් වෙනව හෙට දිනයක සිට
ඒ ලොව තුල පුංචි ඉඩක නුඹත් සිටින වග
නොකීවාට නුඹ දන්නව නෙව ද මගේ හිත

ඊයේ අද මතක පොතේ වැසුව පිටක් ලෙස
අමතක වෙන්නැහැ මට නම් කවදාවත් නුඹ
වෙන්නව යන්න දෑත ඉතින් අතහරින්න අද
සිනා වෙවී සමුදෙනව ද මට යන්නට දුර

              සමුදෙන්න බැරිව
                 ලතැවෙන
                   මම
          ෴ සොඳුරු සිත ෴
ප/ලි:-
භුත බංගලාව කතාවේ ඉතිරි කොටස් ඉදිරියට පලවෙන බැව් කාරුණිකව සලකන්න.......

10 ප්‍රතිචාර:

සුදු හංසි said...

නොපැතූ පැතුම වෙච්චි නුඹව පතන්න දැන් හොඳටෝම කල් මදි.. හ්ම්ම්ම්ම්ම් ඇත්ත අක්කේ...

Anonymous said...

jeevithe vedipura thiyenne nopethu pathum thamai akkio..oyata vitharak novei,mata vitharakuth novei,boho denekuta ehemai..

ලෝකයේ කොනක - සිඳු said...

අහම්බයෙන් මුන ගැසුනත් ඒ සොඳුරුම මල
ජීවිතේම සුවඳ කළා සත්තයි සැම දින
හෙටක් නොමැති වුවත් ළඟින් සුවඳ විඳින්නට
සීනෙන් මුදු සුවඳ ‍රැ‍ඳෙයි පියවෙන තුරු නෙත....

Dinesh said...

නොපැතු පැතුමක ජීවත් වෙලා අන්තිමේ ඉතුරු වෙන්නේ කඳුළක් විතරමයි නේද අක්කේ..

Hendirikkamala said...

මට කඳුලු එන්න කලියෙන් මං දමා යන්න
නෑ හයියක් මට නුඹ දැක පලා යන්න
මට කඳුලු එන්න කලියෙන් මං දමා යන්න

මේ පුර හඳක පෝය ලැබෙන අන්තිම දවසයි
හෙට අවපස වී මං එනකොට අඬන්න නරකයි
තව එපා ඉන්න..
තව එපා ඉන්න..
ඔය ඇස් බැලුවම මට බෑ හෙට තැලි අඳින්න
මට කඳුලු එන්න කලියෙන් මං දමා යන්න...

Deepika's song

Observer said...

කියවා රස වින්දා...

Anonymous said...

oyaaa wage hithak thiyana hindai oyata oya duka danenne. Mawa daala yaddith eyata ehema hithunanam mam ada pissek wage jeeat wenne na. aduma tharame anthimata kiyla wachanayak wat hariyata kathakaranna bari una. Hinawenna epa mama Kollek. mama andapu tharam danne mamai mage kamare biththi hatharai witharai. eya oya wage anthimata mata wachanyak hari kuwanam ada mama sanasille nidagannawa.
oya wage hitha lassanai. echcharai wena kiyanna wachanayak na.

Istuti.
Manoj

දයානන්ද රත්නායක said...

කවි පන්තිය අගෙයි. හොඳ නිමාවක්.. මෙහි පළමු කොටසේ "මනාලියක් වෙලා" යන්නත් හතරවන කොටසේ " නුඹ දන්නව නෙවද" යන්නත් වෙනස් වුණානම් තවත් අගෙයි. සම්පූර්ණ කවි පන්තිය තුළම ගීතමය ආකෘතියක් මැවෙනවා. උත්සාහයක් ගත්තොත් ගීයකට ගොඩනගන්න පුළුවන්.

Ravi said...

නෙළුම නෙලා ගනු වස් නොපැතූයෙමි කිසි දින,
විලට නොබැස සුවඳ විඳිමි පපුව පුරා මම,
දුරක ගියත් ඇස් මානෙන් වෙන්වී හෙට සිට,
මහද විලේ සදා පුංචි කුමුදු කැකුළ නුඹ,

Chandi said...

සහසක් පැතුමන් නැත මා පැතුවේ
එකම පැතුම පමණකි හද රැඳුනේ
හද අඹරෙහි අඩ සඳ වැනි නෑනේ
මතකද සිරි දළඳා වැන්දා..................

ගීතය මතක් උනා නංගි. ජීවිතේ මේ වාගෙ වින්වීම අපි හැමෝම අත් විඳ තියෙනවා කියලයි මට හිතෙන්නේ. කාලෙකින් ආවේ.

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...