..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

මෙහි ලියැවෙන දෑ.............

"Art is something that lies in the slender margin between the real and the unreal."සාහිත්‍ය වනාහි සත්‍යයත් කල්පිතයත් අතර පිහිටි අනියත ප්‍රදේශයකට අයත් වේ.(Chikamatsu Monzaemon)

Sunday, November 6, 2011

෴ ජීවිත ගස යට / " Under The Tree of Life " ෴



ඩන් උයනේ ජීවන ගස යට
ආදම් ඒවා පෙම් බැදි විලසට
මා නුඹ දවසක් හමුවූවා
ඉස්සර දවසක නුඹහට මතක ද


ආල හැඟුම් සිත් නොතැරුන මොහොතක
ආල වුනේ නුඹෙ සුන්දර ගුණයට
මාල පලන්දපු පෙර එක දවසක
ආල නුරා සිත කීවා මතකද


හාදුවකින් ඇරඹී  පෙම්බරකම
බොළඳ නුඹේ ළඟ පැළ කරවු සද
හාද වෙලා අතිනත් අරගෙන අපි
රස ජීවන මධු බීවා මතක ද

ආල හැඟුම් නිවසින් පිට වූ ව ද
පෙම්බර ලෙංගතුකම් අඩු වක් නැති
වෙනදාටත් වැඩියෙන් ඔයෙ සිත මට
මා ළඟටම වී උන්නා මතක ද

මල් පීදුන මුත් පල නොදරපු ලෙස
මා මෙහි තනිකරලා එක දවසක
මා නොපැතු මුත් ඔබ පැතු ලෙසටම
පෙර ගමනක් ගියහැටි මතක ද

ජීවන ගස යට හමු වී වෙන්වුන
මල් මිස ගෙඩියක් කිකලක නොසැදුනු
ආදර සිත් අරුමය මේ ලෙසමැයි
ලෝකයටම රහසක් වී වැළලෙයි

ජීවන ගස මල් පිපුනට පෙර දින
බඹරකු ඒ රොන් ගත්තත් සිතු ලෙස
පල නොදරන ජීවන ගස සෙවනක
සුන්දර පෙම් සිත් මිහිදන් වෙනු ඇත

ඒ දුක දරනට නොහැකිව මතු දින
ජීවිත ගස කොළ දළු නොදරනු ඇත
ප්‍රේමය නම් මෙය යැයි පවසන මුත්
සිත් නැති ලෝකය එය නොදකිනු ඇත


මේ පින්තූරය මට එවුවේ , බ්ලොග් අවකාශයේ බහුතරයක් දෙනා අදුරන මධූ
මේ පින්තූරය හෝ මේ හා සමානම පින්තූරයකට ලියවුන ලස්සන පද පෙලක් මම මීට කලින් W3 blog අඩවියේ දී කියෙවුවා මතකයි. මේ තියෙන්නේ ඒක ජීවිතය / Life

මධු එවපු මේ පින්තූරයට මම ලීව පද ඒතරම්ම ලස්සනක් නැහැ කියල මට හිතුනත් , මේ පින්තූර පෙලත් එක්ක මගේ මතකයට ආවේ Up කියන ඉංග්‍රීසි චිත්‍රපටය.( සජීවීකරණ / animation) කුඩා කල හමුවීමකින් දැන හැඳින ගන්නා ගැහැණු ළමයෙක් සහ පිරිමි ළමයෙක් යොවුන් වියට එළඹිලා පෙම්වතුන් වීමත් , ඉන්පසු විවාහ වීමත් , දරුවන් ගේ සුරතල් දකින්නට නොහැකි වූවත් ආදරයෙන් සිටින ඔවුන්ගේ සිත්  වල ඇති අහිංසක බලාපොරොත්තු ඉටු නොවීම ගැහැණිය මිය යාමත් , ඒ මිය යෑමත් සමඟම තනිවෙන ඔහු , මිය ගිය ඇගේ අරමුණු ඉටු කිරීම සඳහා ගන්නා උත්සාහයත් ඒ අපූරු චිත්‍රපටය පුරා දිවයනවා. 
තම අරමුණ කරා බැලුම් එල්ලූ නිවසකින් ලොකේ වටේ යන මේ ගමනට , අහඹු ලෙස එකතු වෙන දඟකාර පොඩ්ඩෙක් නිසා මේ චිත්‍රපටය තවත් වර්ණවත් වෙනවා..

 
ප/ලි - තවත් මට පින්තූර  එවපු යාළුවො කිහිපදෙනෙක් ඉන්නවා. ඉදිරි කාලයේ දී ඒ පින්තූරත් මට හැකි විදිහට අකුරු කරන්නම්. ස්තූතියි .

9 comments:

  1. මේ කවි ටික අදම කියවන්න ලැබුන එකට ගොඩක් ස්තුතියි.
    මට හිතෙන්නේ මේ ගහයි අපේ ජීවිතයි අතර වැඩි වෙනසක් නෑ කියලා. ගහත් පොඩි පැලේ ඉදන් මැරෙනකන් ගමනක් යනවා. අපිත් එහෙමනේ.

    ReplyDelete
  2. මේක නම් අපූරු පැබැඳුමක්.......
    සොබා දහම ට ගස වගේම අපිත් අයිතියි...ගසට වෙනදේම අපිටත් වෙනවා...
    ඒත් වෙනස ගසට අපිට වගේ ජෝඩු වෙන්න බෑ......
    මේ පින්තූරයට මරුවට ගැලපෙනවා මේ පබැඳුම..........

    ReplyDelete
  3. UP චිත්‍ර පටය හරිම ලස්සනයි...ඒ ගැනත් ලියන්න අක්කා...මේ කවි ටිකත් ලස්සනයි....

    ReplyDelete
  4. අපුරැ පද වැල්... කොහොමත් සොඳුරැ‍ගේ ලියව්ල්ලට මං හිතයි....මම කැමතියි මේ යටින් දිවෙන තනිකමට...

    ReplyDelete
  5. අපූරු පින්තූරයක් ඒවගේමයි කවියත් ලස්සනයි

    ReplyDelete
  6. අමරදේව මාස්ටර්ගෙ "මේ මහ කන්ද" සින්දුව මතක් උනා!

    ReplyDelete
  7. ජීවන ගස යට
    හීනය මැව් මට
    ජීවය අතරට
    ආලය තරමට
    හීනය නුඹමය...

    ගොඩක් ලස්සනයි අක්කණ්ඩියේ

    ReplyDelete
  8. කොල්ලෙක් වෙලත් ඇහැට කඳුලක් උනපු එක චිත්‍රපටයක් තම UP කියන්නේ. මාර සංවේදී කතාවක්.. මේ කවිය ඇතුලේ එක තියනවා.. කවි කියවද්දී මට මතක් උනේ එක. සොසි එකම හිතේ තියන්නේ ලියල තියෙන්නේ..

    ReplyDelete
  9. නියමයි. පුදුමාකාර කතාවක් රෑප ටික දැක්කත් හිතේ ඇදෙනවා.

    ReplyDelete

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...