..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

මෙහි ලියැවෙන දෑ.............

"Art is something that lies in the slender margin between the real and the unreal."සාහිත්‍ය වනාහි සත්‍යයත් කල්පිතයත් අතර පිහිටි අනියත ප්‍රදේශයකට අයත් වේ.(Chikamatsu Monzaemon)

Sunday, November 13, 2011

෴ සෙනසුරාට සෙනෙහසින් / To Saturn With Love ෴



සී
ත දුරුත්තට යන මඟ
පෙරමඟටම විත්
දත් නියවන් කෙස් උගුලන්
රාක්ෂ වේසෙන්

ඝණ දෙවියන්ටත් බට කොළ
කැවු මේ නිරිඳුන්
තරාදියට එනවලු මේ 
නොවැම්බරේ

රටට හොඳයි 
මහ එවුන්නට හරිම හොඳයි ලු
පොඩි එවුන්ට නැහැ කරදර
හරිම ජයයි ලු

මොන පිස්සු ද සෙනසුරාට
රටක් අහුවෙලා
පොඩි එවුන්ව ගුලි කරාවි
මිටට අඹරලා

කොහේ නැතත් දිගු පෝළින්
මොක ද අතන වෙන්නේ
බලව ගන්න කේන්දරේ
පෝළිමෙ ඒ ඉන්නේ

පත්තර වල පිටු ගනනින්
නුඹ ගැන ලියවෙන්නේ
ඒත් අනේ එකට එකක්
නැහැ නෙව ගැලපෙන්නේ

විද්‍යාවෙ ග්‍රහ ලොව ගැන
දිගට කතා වෙන්නේ
වළලු දාපු බොට මොකට ද
මේ මම බය වෙන්නේ

මගෙ ආදර  හිත දවනා
සෙනසුරො අහ ගන්න
ආවොත් හෙම කොටු පනින්න
කරමි බෙහෙත් දන්න

නුඹගෙ පරණ වාහනයට
අලුත් එකක් ගන්න
කපුටා ඉවතට දා යමුදෝ
බෙන්ස් එකක යන්න

පෙනුම ටිකක් වෙනස් කරල
කෝට් එකක් ගන්න
නුඹ කැමැති ද මාත් එක්ක
එක ගෙදරක ඉන්න


සෙනසුරුට පෙම් බඳින
මම
෴ සොසී ෴



18 ප්‍රතිචාර:

මධුරංග said...

ඒකනේ අක්කා. වලලු දාපු අයට අපි නම් බය වෙන්නේ නෑ. ඔන්න අක්කන්ඩි මම් කේන්දර විස්වාස කරන්නේ නෑ හරිද.:)

ඉන්දික උපශාන්ත said...

අපරාදෙ මම කලින් බැන්දෙ!

Podi Kumarihami said...

අපරාදේ ඔයා ඉස්සර වෙලානේ....:(

Anonymous said...

gana deviyanta nemnei ban wishnuta...ela nirmnanayak

කතන්දර Kathandara said...

මං හිතාගෙන හිටියේ සෙනසුරා කියන්නේ ගෑණු සතෙක් කියලනේ!

Beetle said...

දවසේ තරුව, සෙනසුරා... :) ආ ඒක තරුවක් නෙවෙයිනේ...

Charmi said...

මේක නං එළ....
(කොටු පැනගෙන එන උංට ඔහොම්මයි කරන්ඩ ඕනෙ)

Weni said...

සොසී සෙනසුරාව මොඩ් කරලා බටකොල වෙනුවට කවන්න යන්නෙ මොනවද බලමු

boo pale said...

ane sosii,
mata oyage sonduru sithe watayak yanna asaaiii..
ethakota mea soduru katha ,akavi mata hithena hithena welawata balaganna...
hari lassanaii akkee..

Bunny said...

බට කොල වෙනුවට ප්‍රයිඩ් රයිසුයි රුහුනේ මීකිරියි කව්වයි :D :D

Miyuru said...

ඔයාට කොහෙන් එනවද මේ අදහස්... හරිම ලස්සන නිර්මාණයක්.... :)

nawammawatha said...

අම්මප කිව්වත් වගේ ටයි කෝට් අන්දල පොලිෂ් කරල ගත්තොත් හෙනහුරාගෙත් කියන්න තරං වැ‍රැද්දක් නෑ.

අසේල said...

අපිට ඔ‍ෆිස් එකේදි හොරෙන් කියවනකොට කමෙන්ට් පෙන්නෙ නැහැනෙ.....
ටිකක් ලොකු පැහදිලි ෆොන්ට් එකක් දාන්න පුලුවන්ද?

Dinesh said...

"සෙනසුරාට සෙනෙහසින්" මාතෘකාවේ ඉදන් කවි පෙලේ හැම වදනක්ම මගේ හිත බැද ගත්තා..

චමිල said...

මරු කවිටික !!

මේක කියවා තවම හිනාවෙන
මම
චමිල...

මාතලන් said...

හෙනහුරාගේ බැල්ම සොසිට වැටිලා වගෙයි නේ
ඒ නිසාලු මේ වගේ පද වැල් ලියැවෙන් නේ
හැමදාමත් වගේ නෙමෙයි ගොඩක් වෙනස් නේ
මේ වාගේ කවි බලන්න මම කැමතියි නේ

Ravi said...

To saturn with love.......ප්‍රේම කතාවකුත් දැවටුනු විද්‍යා ප්‍රබන්ධයකට නම් නියම නම....හෙහ්, හෙහ්,

ගලයා said...

සෙනසුරා හැමෝටම නම් නපුරු නෑලු..
නපුරට නපුරුලු..
ඕක තමා මම සෙනසුරා ගැන අහපු හොඳම කතාව...

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...