..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

Sunday, January 30, 2011

෴ එක සිත දෙතැනක / Indecisive Mind ෴

මගේ නෙතු පියවෙන්නේ නැත. නෙතු පියවුන සැනින් ඒ සෝබර මුහුණ පෙනෙයි. තිගැස්සෙන මම ක්ෂණයෙන් නෙතු පියන් ඇරියත් සිතට නිවනක් නැත. සිත ඔහු ගැන සිතන්නට වෙහෙසෙයි. මා විවාහ වී දුරු රටක තනිවූවාට පසුව ඔහු ගැන මතකය ටිකින් ටික අමතකව යන්නට විය.ස්වාමියාගේ සෙනෙහසත් දරු වන්ගේ සෙනෙහස හා දහසක් වැඩ රාජකාරිත් මධ්‍යෙය්  මා සිතට එඹිකම් පාන්නට තිබු අවස්ථා මඟ හැරී යන්නට ඇත. නමුත් සිත තැලුන පොඩි වුන බොහෝ අවස්ථාවලදි ඔහු සිහිනයක් සේ පැමිණ මා සිත සුවපත් කළ යුරු මට මතකය.

ඔහුගේ රුව සැබෑ ලෙසම දුටුව අවසන් දින සිට අද වන විට වසර විසි ගණකට ආසන්නව ගෙවී ගොස් ඇත.එහෙත් නොසිතූ පරිදි අද දහවලේ දුටු ඒ රුව මගේ මතකය නැවතත් ඈත අතීතයට ගෙන යන්නට සමත් විය.

ඔහු සිටියේ දුකින් බව ඔහුගේ සිතුම් පැතුම් අඳුනන මට රහසක් නොවේ. දුක් සිත වසා පැතිර ගත් මද සිනහව ඒ දුක තීව්‍රර කරයි. නොදැනම රූරා වැටුන කඳුළක් මගේ සිත මීට වසර විස්සකට පමණ පෙර අතීතයට ගෙන යන්නට සමත් වුනා.

මා ඔහු මුලින්ම දුටුවේ මගේ යෙහෙළියකගේ උපන් දින සාදයකදීය.ප්‍රිය සාද වලට කවදත් අකමැති මම,  සතුටු වන දනන්ගේ මුහුණු මට පෙනෙන ඔවුනට මා නොපෙනෙන මුල්ලකට වී සතුටුවන්නන්ගේ මුහුණු දෙස බලා වුන්නෙමි.

මත්පැන් බී සතුටුවන්නන්, නටා ගී ගයමින් සතුටු වන්නන් , ඕපදූප කියමින් සතුටු වන්නන් අතර මට තැනක් කවදත් නොවීය. ඔවුන් අතර දුවන නෙත එකවරම එකකු ළඟ නතර විය.එයට හේතුව වූයේ ඒ දෑසද මා ළඟ බොහෝ වේලාවක සිට නතර ව තිබූ බව මට දැනීමයි.

සුරතේ තිබූ මත්පැන් වීදුරුව මදක් ඉහලට එසවූ ඔහු , හිස තරමක් නවා ,මා දිහා බලා මඳ සිනා පෑවා. සිනාසෙම්දෝ නොවෙම්දෝයි සිතූ මා අවිනිශ්චිත සිනාවක් ඔහු වෙත පෑවා. ඉන්පසුව විටින් විට ඒ නෙතු මා දෙස යොමු වෙනව මට දැනුන අතර එය මා නොසන්සුන් කරවන්නට හේතු වුනා. ඔහු හා දීර්ඝකතාවකට වැටුන සඟයෙක් නිසා ඔහුට මාව නොපෙනෙන පරිදි ආවරණය වූ අවස්ථාවක් බලා මා එතනින් ක්ෂණයෙන් මාරු වුනා.

අඩ සඳෙන් අඩක් පායා තිබු අහස දිහා බලන් , ප්‍රිය සම්භාෂණයෙ රැඳි ඝෝෂාවෙන් පෙරී එන මඳ සංගීතය අසන් සඳැල්ලට වෙලා සිටි මගේ උරහිසට දැනුන සීතල පහසකින් මා සිතුවිලි අතරින් නැවතත් ප්‍රිය සාදයට.

ගැස්සි ගිය මා බෙල්ල හරවා බලන විට දුටුවේ. . මගේ නෙත් හොරා ,මට පසු පසින් සිනා සෙමින් සිටින අයුරුය. 

“ මොකද , බය වුනාද ?“

සිහින් මත්පැන් ඟඳක් ඒ වචන අස්සෙන් ඇවිත් මගේ නැහැයට වැදුන.මම මූණ බෙරිකර ගත්තත්. මගේ සිතෙත් මත් වෙන්න ආසාවක් ඒ මොහොතෙ ඉපදිලා නැතිවෙලා ගියා.

“ ඇයි බය කරන්න ද ඕනි “

“ අනේ නැහැ. මම නිසා ද අතතින් නැගිටල ආවේ “

“ අපොයි නැහැ. මම ආවේ මට ඕනි නිසා“

“ මම හිතුවෙ මම නිසා කියල. පාටි වලට ඇවිත් විනෝද වෙන්න අකමැති නම් මොකද පාටිස් වලට එන්නේ ..සතුටු වෙන මිනිස්සු දැක්කම ඊර්ෂ්‍යා හිතේවි “

“ ඔයාට ඒක වැඩක් නැහැනේ. . .. මට ඕනි නම් මම එනවා . මට ඕනි නම් මම නටනවා. මම බොනවා. ඒක ඔයාට මොටද ? “

“ හෙහ් හෙහ් හේ ....“

“ ඇයි ? “

“ බොරු කියන්න එපා. ඔයාට නටන්න බැහැ. අඩු ගානේ රතු වයින් මුඩියෙන් එකක් වත් ඔයාට බොන්නත් බැහැ. ඔයාට පුලුවන් පැත්තකට වෙලා ඉඳන් ඒ දේවල් කරන අය දිහා ඊර්ෂ්‍යාවෙන් බලන් ඉන්න විතරයි “

“ හොඳයි මම නටල පෙන්නුවොත් “

“ ඕහ් .ෂුවර් ..වයි නොට් ....“ පැවසූ ඔහු. . .නැටුමට ආරාධනා කරන විලාසයෙන් මට අත පෑවා. ඒ අත නොගත් මා ටික වේලාවක් ඔහු දෙස තරහින් බලා සිටින විට ඔහු ඔහුගේ සුරතින් ප්‍රිය සම්භාෂණය පැවැත්වෙන ශාලාව වෙත යන ලෙස ඇරාධනා ඉරියවුවක් පෑවා.

ඒ අනුව ශාලාව දෙසට එසවුන මගේ පාද . . . මා කවදාවත් නටා නැති නැටුමක තාලය ගන්න සූදානමිනුයි හිටියෙ. . . .

ඔහු මගේ පසු පසින්.  . . මගේ අවාසනාවක මහත. . .  ඒ වේලාවේ වැයුන සංගීතයට නටමින් සිටියේ ජෝඩු ජෝඩු වැළඳගත් ආලිංගන නැටුම්. . . ක්ෂණයෙන් ඔහු වෙත මා හැරුණේ මා පැරදුන බව ඔහුට කියන්නට වුනත් ඇගේ වදින තරම් ළඟින් මට පසු පසින් සිටි ඔහු කළේ මා ක්ෂණයෙන් වැළඳ ගෙන නැටුම පටන් ගැනීමයි.

මා නොසිතු අවස්ථාවකදි සිදුවූ දෙයින් බලවත් කළබලයට පත්වුන අතර දඬුකඳ වන් ඔහුගේ බාහු වලට සිර වූ මට කර කියා ගත හැකි දෙයක් තිබ්බෙ නැහැ.

ඒ අතර තුර නැටුම් නොදන්න මගේ කකුළ් දෙතුන් වතාවකටත් වඩා ඔහුට පෑඟුනා. සීමාව ඉක්මවා ගියේ ඔහු මා සිපගැනීමට දැරුව උත්සාහය නිසයි. ඉහවහා ගිය කෝපයෙන් හැකි වෙර දරා මගේ පයක් එසවී ඔහුගේ යොධකකුලක් පසාරු කර යන්න තරම් වේගවත් පා පහරක් එල්ල කරන්නට මට පුළුවන් වුනේ ඒ නිසා වෙන්න ඇති.

ඔහුගේ ලස්සන මුහුණ වේදනාවෙන් ඇඹරිලා ගියා.

“ අම්මි , අම්මි මම අද අම්මි ගාව දොයියන්න ද? “

මගේ පුංචි දියණිය මගේ රෑ ඇඳුමේ කොණකින් අඳිමින් , අතීතා ලෝකය හා බැඳුන රැහැනින් මාව මිදෙවුවා. . . .


ඒත් ඔහු අද මගේ සිහින පුරා ආයෙත් සැරිසරන්න පටන් ගනීවි . . . . බිය වැදුන මගෙ සිත සඟවගන්න ,මගේ පුංචි දෝණිය වඩා ගත්ත මම ඇයව තදින් මගේ පපුවට තුරුල් කර ගත්ත.

ඔහු කවුද ? ඊට පස්සෙ මොකද වුනේ ? 

තනිවුන සිතක සුදු මුදු සුවඳත් රැගෙන
නුඹ ගොඩ වුනා වැස්සට පෙම් සිත් තෙමන
වැස්සෙන් බේරුණත් නෙත තෙමමින් නිබද
මා හැර ගියේ ඇයි දැයි පවසන් සබඳ

අමතක වුනා කියලයි මා නම් සිතුවේ
අමතක වෙලා නැති බව කලකින් දැනුනේ
හැර ගිය ලෙසම ඉන්නට බැරි නම් සබඳේ
මට සමු දෙන්න මම තනි නැහැ අද මිතුරේ

එන්නට එපා සිහිනෙන් සිහිනෙට පැටලී
ගන්නට බෙදා හිත නැහැ පෙර මෙන් සුපිපී
සින්නව ගිහින් වෙන කෙනකුට මා ඉතිනි
ඉන්නට ඉඩක් සිත තුල පමණයි ඉතිරී


Mind is always indecisive, To be decisive is to go beyond the mind. 

 

 මත් වීමක මුල ඉන්න

මම

෴ සොදුරු සිත ෴

විශේෂ ස්තූතිය - රවි අයියාට

8 ප්‍රතිචාර:

MaRLaN said...

අක්ක චන්ඩිනේ.... බයෙත් බෑ.... පවු අර අහින්සක කොල්ලා....

kumaraya said...

ඔයා ඕක ගොතපු කතාවක් නෙ ''වත්''.
මම කියන්න හදන්නෙ ඒක නෙවෙයි .. ඔය වගේ ඇත්ත සිදුවීම් මිනිසුන් අතර කොයි තරම් සිදුවෙලා ඇත්ද ...?
සමහර මිනිස්සු ඒව නිසා හිතෙන් .. මොන තරම් අසරණ වෙලා ඇත්ද ...

රත්ගමයා said...

ඇත්තටම මොකද උනේ??? :(:(

TG said...

Hikz . Api eeye red wine gena kathayi , party genayi google chat demma ne . Eke prathipalayak thamayi oya . kiwwenam oya party wage atamagal walata ayye yanne nee kiyalaa :) hikz

අසංක Asanka said...

මීවිතින් කරවුනු මොලගෙඩි ඇතුලේ දගලන කාලකන්නි ආසවල්

Ravi said...

Dancing with you,
Underneath the silvery moon,
With twinkling starlight,
Making your eyes glow,

Only once,
In my entire life,
Did I dance,
not ever since,

ඔබ සුරත ගෙන තරව,
සිහින් මීයැසි රාව රිද්මෙට,
අඩ අඳුරු රඟ බිමෙහි,
රැඟු අයුරු මතකයි අදද,

මද පමණ මත්වු ගත,
ඔබ වතෙහි රත් පැහැය,
නුවන් තෙපලූ රහස,
මියෙන තුරු මසිත ඇත,

හිස් අහස said...

අන්න කික් එක ...

නලිනි චන්දිමා said...

මට මතක් වුණා මීට කිට්ටුවෙන් යන මම දන්න සිද්දියක්. ලස්සනට එක දිගට ගලාගෙන යන කතාවක්. අපූරුයි.

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...