..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

Sunday, May 9, 2010

෴සිත්තමයි ගෙත්තමයි෴

විල් තෙර විහිදෙන නිසල බවයි
විල මත තැවරුණු සෙවන යසයි
නුඹෙ ආදරයත් ඒ වගෙමයි
සොඳුරුයි නිසලයි සෙවන සදයි

තෙලි තුඩ දැවටුන පාට පොදින්
නුඹ ඇදි සිතුවම සිතම නිවයි
මගෙ සිත සෙනෙහෙ පාට වලින්
සිත්තම් කෙරුවෙත් නුඹම තමයි

කඳුලින් බොද වුන සෙනෙහෙ සිතක්
පාට කරන්නට යළිත් වරක්
හැකි නම් මට එය මහඟු පිනක්
හඳ ඇදි සිතුවම මහා මෙරක්
 
සිත්තම ඔහුගේ
ගෙත්තම මාගේ
ගෙත්තම් කරපු 
මම
෴වත්෴

22 ප්‍රතිචාර:

මින්දද said...

ඔව් අක්කේ.. හුඟක් වෙලාවට අපේ සිතේ ඇදෙන චිත්‍ර වර්ණ ගන්වන පාට තෙලිතුඩ තියෙන්නෙ වෙනත් කෙනෙක් ගාව...

සුනිල් එදිරිසිංහයන්ගේ ගීතයේ ආභාෂය ටිකක් පෙනෙනවා මේ නිර්මානයෙන්. ඒ ගීතය සෑහෙන්න අහනවා වගේ මේ දවස් වල...

wath said...

@ මින්දද
සුනිල් එදිරිසිංහ මහත්තයගේ මොන ගීතයද කියල තරහ නැතිව කියන්න මින්දද

රවා said...

නියමයි.. සහොදරි... ඉතින් කොමෙ ජිවිතෙ.. කාලෙකින් ආවෙ මෙ පැත්තෙ(ඊයෙ ආවට පස්සෙ)

සිතල දියපිරි සුනිල විලයි...
වගෙ නෙද.. එක අහා අහා ද මෙ වචන ටික එකතුකරෙ...

මින්දද said...

" සීතල දිය පිරි සුනිල විලයි "
විල් තෙර විහිදෙන නිසල බවයි

මට කියවද්දි එක පාරම හිතුනු දෙයක්. සමහරවිට මම වැරදි ඇති.

රවා said...

මින්දද.. නිරික්ෂන හැකියාව තව ගොඩාක් ඉස්සරහාට ගෙන්න ඔනා.. හොදට බලන්න මෙ අක්කාගෙ බ්ලොග් එකෙ හැමතැනම තියන්නෙ එ සින්දුවම තමයි...

චමිදේවා said...

ඔහුගේ සිත්තම්
ඔබගේ ගෙත්තම්
අපගේ සිත් තුටින්
පිරවූ හැටි මනරම්...

විහඟ ගීතය said...

සිහිනෙකින් නොවේ හැබැහින් නුඹ ඒවී
ඒ සිතින් හෙටත් මම ජීවත් වේවී
පෑ නෙතින් කඳුලු නුඹ, ළඟ වියලේවී
මා ඉතින් ඉදිමි ඒ වෙනුවෙන් පේවී

ඉලංදාරියා said...

බොද උන කදුලින් අසරන සිතක
ඔසුවක් වෙන්න හැකින්ම් හිත සුවවෙන්න
ලෙන්ගතු කමින් ඒ හදවත පුරවන්න
එකයි නියම මිතුදම එය රැකගන්න.

නොයෙකුත් රු රටා ඒ හදවත ඇතුලේ
මිතුදම රජවෙලයි ඒ පින්සල ඇදුනේ
මිනිසත් කමේ පටයි එහි දැවටෙන්නේ
ඔය සෙනේහසට තව ආයුශ වැඩිවෙන්නේ

චේජනා said...

සොඳුරු සිතක
නිසල සෙනෙහෙ
සිතුවම් ඇ‍ඳෙන්..
නිසල සිතක
සෙනෙහෙ සිතුම්
පාට අරන්...

ගල්මල්-Coral said...

ලස්සන කව් මුතුවැල, සුනිල් එදිරිසිංහයන් ගේ හඬින් ගීතාකාරව රැව්දුන්නා වගේ දැනෙනවා. එතරම් ලස්සන ගැලීමක් ඇත.

යොදාගෙන ඇති සිතුවම හරිම අලංකාරයි. සුබපැතුම්!

හසිත ජයසූරිය said...

අක්කිගෙ නිර්මාණ නියමයි......ඒත් අනේ මට මේව තේරෙන් නෑනෙ ....මොකද මන් බබානෙ:D

wath said...

@ ගල්මල්-Coral
සිත්තම තෙල් සායමක්."Oil Painting" ලස්සනයි නේද?
ඇත්තම කියනව නම් මේ චිතුය ඇදපු කෙනාගෙන් අවසරයකින් තොරව තමයි මම මේ චිත්‍රය ගත්තේ....
පේන්ටින් එක සිඩිනි මහතාගේ...

wath said...

@ හසිත ජයසූරිය
ආහ් පුතා... ස්කෝල යන්නෙ නැද්ද ආහ්.. උදේම ජංජාලයට ගොඩ වෙලා ඉන්නේ

wath said...

@ හසිත ජයසූරිය
ආහ් පුතා... ස්කෝල යන්නෙ නැද්ද ආහ්.. උදේම ජංජාලයට ගොඩ වෙලා ඉන්නේ

wath said...

@ රවා
@ මින්දද
දෙන්නම හරි අත්තටම ඒ ගීතය මගේ බ්ලොග් එකේ තීම් එක වෙලා කියල මටත් හිතෙනව..

wath said...

@ චමිදේවා
සිත
සිත්තම් කරන
දවසක්
ලගදීම
උදා වේවා....

wath said...

@ චේජනා
මගේ බාල සහෝදරී ...
ඔයාට ගොඩක් ස්තූතියි..

wath said...

@ ඉලංදාරියා
තවත් සොඳුරු කවිකාරයෙක්.කොහෙ හැන්ගිලා ඉදල එනවද මන්ද....
ස්තූතියි ඔබට
මම ඔබේ බ්ලොග් ලියවිල්ලත් බලන කෙනෙක්...

wath said...

@ විහඟ ගීතය
පේවී ඉන්න සිතකට දුක් නොම වේවා
හමුවන නැකත සුබ දිනකදි සිදු වේවා
සිත්තම සදා සිත් මඬලේ රැවු දේවා
විහඟ ගීය සැමදා මා හමු වේවා

විහඟ ගීතය said...

පේවී ඉන්න සිහිනය ,සිහිනය නොවිනි
හාවි සඳ වතෙහි සේ මහදෙහි ‍රැදුනී
යාවී දෙසිත සෙනෙහස් හුයකින් බැඳුනී
දේවී නුඹයි, නුඹගෙන් ඒ ලොව සැදුනී

හුටපටයා said...

සිත්තම ඔහුගේ
ගෙත්තම මාගේ
මේ කෑල්ල නම් මාරෙට හිතට වැදුනා.

චමිල said...

"මගෙ සිත සෙනෙහෙ පාට වලින්
සිත්තම් කෙරුවෙත් නුඹම තමයි"

ඒ පාට හරිම ලස්සනයි....!!!

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...