..... I'm the poem that's  yours but doesn't belong to you ever,...ඔබට අයිති,ඔබ ළඟ නැති එකම කවිය මම

Friday, April 30, 2010

෴ තරුව ෴




අහස කොනක පායා විත්
සැමඟෙ නෙතින් වසන් වෙලා
මගේ පුංචි ආලෝකය 
දුන්න තරුව මං 

ආලෝකය මදි වුනාද
මා නොපෙනී ගිය නිසාද
අහස් ගවුවෙ අනන්තයට 
තල්ලු වුනා මං

එක දවසක් අමාවකයි
නුඹ මා දුටුවේ එදිනයි
 නුඹට පාර පෙන්නන්නට 
එළිය වුනා මං 

හදවත් වල සහන් එළිය
එළිය කරයි අපේ පැතුම
සඳ ඇති පුන් පෝදාටත්
නුඹට පේනේ මං

  • මම මේ කීවේ ඉඳල හිටල හරි කාට කාටත් පේන තරු ගැන නෙ​මෙයි....  
  • රූපවාහිනි නාලිකා වල නිතර බිහිවෙන සුපිරි තරු ගැනත් නෙමෙයි.
  • ලෝකෙටම අමතක වෙලා තිබිච්ච ඒත් හැමදාමත් අහසෙ ඉඳන් තමන්ට පුළුවන් විදිහට ලොකෙට එළිය දීපු පුංචි තරුවක් ගැනයි....
  • ඒ තරුව දැන් ඉන්නෙ හරිම සතුටින් ... ඒ ඇයි කියල ඔයාලට හිතාගන්න පුළුවන් නේද...........

තරු පිරුන මන්දාකිණියෙ සතුටින්ම ඉන්න පුංචි තරුව
මම
෴ වත්෴

17 ප්‍රතිචාර:

Yasela Sumanasinghe said...

කියවගෙන ගිහිල්ලා..අන්තිමට ලියලා තියෙන වාක්යත් කියවලා නැවත පාරක් මුල ඉදලා කියවගෙන ගියාම...ඔන්න කවිය තේරුනා...

දිල් said...

ඔව් ඔයා ගොඩාක් සතුටින් කියලා දැනෙනවා....කවියේ අකුරක් ගානෙම ඒක මනාවට පැහැදිලිවෙනවා...

ජීවිතය සොබාදහම මනුස්සකම ආදරය said...

කවිය නම් සිත් ගත්තා අපූරුයි...

ගල්මල්-Coral said...

මෙ මුතුවැලේ හැම මුතුකැටයම ලස්සන කාන්තියක් විහිඳුවනවා...

සුබපැතුම්!

විහඟ ගීතය said...
This comment has been removed by the author.
තිස්ස දොඩන්ගොඩ said...

ඔබත් ඔහොම ඔතැන ඉන්න...
මමත් මෙහෙම මෙතැන ඉන්නවා...

විහඟ ගීතය said...

දහසක් තරු නෙත් අතරින්
ඈත කෙලවරක සිටියද
පහන් තරුව සේ මං පෙත
සදා දුන්න නං


කනාමැදිරි එළි අතරට
ඈත සිතිජයෙන් මෙතරට
රිදී රුවක් ලෙසින් මදෙස
එබී බැලුව නං

හිරු දහසක් පෑවූසේ
සඳු සහසක් පෑවූසේ
මගේ සිතම ඒ තරුවෙන්
එළිය කලා නං

හිරු එළියෙන් පිබිදෙන්නෙමි
සඳ එළියේ සැතපෙන්නෙමි
තරු එළියෙන් පාර අසා
ගෙන එන්නම් මං

punchisamanalee said...

අන්න අන්න වත් අක්කා දැන් හරිම සතුටින් නේද? සමනලීට මැවිලා පේනවා තරු කැට වගේ සතුටින් දිලිසෙන ඇස් දෙකයි අක්කාගේ පුර හඳ වගේ මූණයි.....
හැමදාම ඔය සතුට අක්කා ලඟම අඩුවක් නැතිව තියෙන්න ඕනා.... අහිමි දේවල් බලෙන් ගන්න කවුරුවත් මැද්දට නොයෙන්න ඕනා..... ඒ තමයි සමනලීගේ පැතුම!!!!!

මම said...

වත් අක්කේ පද බැදුම ලස්සනයි.ඔයාගේ කවිය තරම්ම ලස්සනයිනේ විහග ගීතය comment එකට දාලා තියෙන කවියත් නේ....

wath said...

@ Yasela Sumanasinghe
අන්තිමට හරි තේරුනා නම් ඒ ඇති.....

@ දිල්
අගේ කිරීම අගේ කරමි.

@ ජීවිතය සොබාදහම මනුස්සකම ආදරය
අගේ කිරීම අගේ කරමි.

@ ගල්මල්-Coral
ස්තුතියි අයිය....

@ තිස්ස දොඩන්ගොඩ
හා හා ඔය එන්නෙ සින්දු මහත්තයා... හැබැයි මම තනි තරුවේ නෙමෙයි...හරිද?

@ punchisamanalee
තැන්කුයූ මගෙ සමණළියෝ...

@ මම
ඔවු විහඟ ගීතය ලස්සනට කවි ලියනව...
http://wihagageethaya.blogspot.com/

Naya said...

සතුටින් ඉන්න එක ගැන සතුටුයි..!!

චමිදේවා said...

"ඒ තරුව දැන් ඉන්නෙ හරිම සතුටින් ... ඒ ඇයි කියල ඔයාලට හිතාගන්න පුළුවන් නේද..."

බෑ...මටනම් නිවැරදිම හේතුව හිතාගන්න බෑ...

Ansh Lucky Sri Jay said...

ෂා..! හරිම ලස්සනයි වත් අක්කේ.

මින්දද said...

අක්කේ ඔයාගේ ජීවිතයම කවියක්...

wath said...

@ මින්දද
එහෙම වෙනව නම් කොච්චර හොඳද......

@ Ansh Lucky Sri Jay
තැන්කු යූ නගෝ

@ චමිදේවා
දවසක ඔයාටත් තේරේවි මල්ලියො.......

@ Naya

බොහොම ස්තූතියි නයා..

Muthu Paba said...

හරිම.. හරිම ලස්සන කවි පෙලක් වත්.. !!

චමිල said...

සඳ ඇති පුන් පෝදාටත් පෙනෙන තරුවක් වගේ කවියක් අක්කේ....මාර ලස්සනයි...
චමිදේවා සහෝදරයට වගේ මටත්නන් හිතාගන්ඩ බෑ හේතුව.

Post a Comment

සිතක් ‍සොඳුරු වන තරමට අදහස් බොහෝ දැවටෙනු ඇත. නුඹේ සොඳුරු සිතේ අදහස් වචන කර යන නුඹට මගේ ස්තූතිය..... කියවූ ඔබටත් ස්තූතියි.

Blogroll

Related Posts Plugin for WordPress, Blogger...